العنايه بالبشرة في الشتاء

نصائح للعناية بالبشرة في الشتاء


ماذا تفعلي لبشرتك في الشتاء؟


طبعا أنتى عارفة إن انخفاض نسبة الرطوبة في فصل الشتاء يؤدي إلى زيادة جفاف البشرة سواء بشرة الجسم أو الوجه وبالتالي حدوث مشاكل كثير زي مثلا ظهور قشور بيضاء في بعض أجزاء الجسم أو إنك تحسي إن بشرتك لونها باهت وغير حيوي بالإضافة إلى تعرض البشرة للجفاف وظهور التشقق في بعض أجزاء منها زي اليدين والوجه والرجلين..

علشان كذا باقولك عــــــــــــــــدة نصايح لبشرتك في فصل الشتاء...




النصائح .





النصيحة الأولى
بلاش صابون

شوفي يا قمر النصيحة الأولى اللي لازم تاخدي بالك منها هي إنك تبعدي نهائيا عن استخدام الصابون ومو قصدي هنا إنك تبعدي عن كل أنواع الصابون لا قصدي إنك تبعدي عن الصابون اللي بيحتوي على روائح معطرة لأنه بيساعد على زيادة جفاف الجسم..

أحسن شي طووول الشتاء تستخدمي صابون الأطفال لأن بيكون فيه مواد مغذية وملطفة للجسم وبتعوض الجسم عن الجفاف اللي ممكن يتعرض له نتيجة عوامل الجو.




النصيحة التانية
لا للمياه الساخنة



طبعا اللي بتشوف كلمة "لا للمياه الساخنة" تقول معقول احد يقدر يعيش من غير ما يستخدم الماء الساخن

شوفي يا قمر في حقيقة كثير مننا مو عارفه وهي إن الماء الساخن مضرة جدا للجسم وهي اللي بتساعد على جفاف الجلد وبالتالي بتساعد على تشققه علشان كده ياريت تستخدمي في الشتاء مياه فاترة.






النصيحة الثالثة
نشفي بشرتك بفوطة ناعمة



أكيد كلنا بنتعرض للميه كل شوية يعني علشان الوضوء أو غسل الأيدي مثلا، وكل ما تعرضي بشرتك للميه تنشفيها بالراحة بفوطة ناعمة وبأكد كلامي فوطة ناعمة، واوعي تسيبيها من غير ما تنشفيها لأن ده هيزود جفافها ويعرضها للتقشف.

وفيه حاجة كمان حلوة ممكن تعمليها وهي إنك تدلكي إيدك ووشك بأي كريم مرطب بعد ما تغسليهم، وكمان إنك ماتغسلي وجهك أو تستحمي مثلا وتخرجي في الهواء البارد على طول، لا اقعدي في البيت لمدة ساعتين وبعد كذا اخرجي.



النصيحة الرابعة
لاتكثري من الماكياج




نصيحة مهمة لازم تاخدي بالك منها في الشتاء وهي إنك ماتكثري من وضع الماكياج خاصة "كريم الأساس والبودرة" علشان ما تطلع لك حبوب أو بثور سوداء في بشرتك وذالأن مسام الجسم بيتنفس بصعوبة شديدة في الشتاء..





النصحية الخامسة
اشربي سوائل على قد ما تقدري



كتير مننا بيقلل من شرب السوائل في الشتاء بالرغم من إن السوائل دي مفيدة جدا للجسم وده لأنها بتساعد على ترطيب الجسم من الداخل إلى الخارج علشان كده ياريت تكتري من شرب السوائل زي الماء والعصائر الطازجة طبعا والفواكه اللي فيها فيتامينات زي "البرتقال واليوسفي"، لأن الحاجات هذي ضرورية تغذي البشرة وتبعد عنها الجفاف.




المشكله الاولى
هى جفاف جلد الجسم


أكيد كلنا في الشتاء بعد ما بناخد دش بنحس إن جلدنا جاف ..

والحل يا أختي إنك تدلكي جسمك قبل الاستحمام بربع ساعة بزيت زيتون وبعد كده خذي دش عادي بس ياليت بعد ما تخلصي الاستحمام بالماء الفاترة تاخدي دش تاني بماء باردة وبعد ما تخلصي الدش نشفي جسمك بفوطة ناعمة وبعد كده ابدأي في وضع كريمات مرطبة على جسمك وهتشوفي الفرق بنفسك.


المشكلة التانية
جفاف جلد الوجه


برضه أكيد ساعات بتلاقي بشرة وشك في الشتاء مشدودة وجافة وبتجربي كريمات كتير وبرضه مفيش فايدة..

والحل هو إنك تجربي أي ماسك يعجبك من الماسكات دي وتتخلصي من المشكلة دي نهائي..


ماسك ال.دة لعلاج جفاف البشرة



(( ليصلك كل جديد أرسل الرقم 1 الى - 81428 للإتصالات السعودية - 601428 لموبايلي - 701428 زين ))

المكونات :

• معلقة صغيرة .دة
• معلقة كبيرة ماء

الطريقة:اخلطي ملعقة صغيرة من ال.دة مع ملعقة ماء وقلبيهم مع بعض كويس وبعد كده ادهني بيها وشك لمدة ربع ساعة وبعد كده اغسلي وشك بالماء الفاترة وكرري الماسك مرتين في الأسبوع و راح تشوفي الفرق بنفسك.





ماسك العسل بالليمون






والماسك هذا بالإضافة إلى إنه يساعد على علاج مشكلة جفاف البشرة كمان بيساعد على ترطيب البشرة وزيادة نعومتها..



المكونات :


ملعقة كبيرة عسل نحل
• ملعقة كبيرة عصير ليمون
• ملعقة كبيرة خميرة بيرة
• ملعقة مياه دافئة

الطريقة:أذيبي الخميرة في مياه دافئة لغاية ما تبقى عجينة بعدين اضيفي إليها ملعقة عسل واخلطي المقادير دي مع بعضها بعد كده ضعي الماسك على وشك وسيبيه لمدة خمس دقائق لغاية ما تلاقي إن الماسك ده بدأ يجف، وبعدين هاتِ ملعقة فيها ليمون وبللي بها قطعة قطن وبعد كده مرري قطعة القطن دي على وشك وبعد مرور خمس دقائق اغسلي وشك بالماء الفاترة وبعدين بماء باردة وكرري الماسك ده مرة كل أسبوع وهتشوفي الفرق بنفسك.




المشكلة الثالثة
شحوب البشرة



من ضمن المشاكل اللي ممكن تتعرضي لها في الشتاء إنك بتحسي إن بشرتك لونها شاحب شوية والحل إنك تجربي الماسك ..



ماسك البرتقال







المكونات:


• عصير نصف برتقالة
• 3 معالق عسل

الطريقة:سخني العسل مع عصير البرتقال على نار هادئة لغاية ما تلاقي العسل ذاب، بعد كده شيليه من على النار واتركيه شوية لغاية ما تلاقيه برد، وبعد كذا حطيه على وجهك لمدة ربع ساعة وبعدين امسحي وجهك بقطنة مبلولة بالماءالفاترة وكرري الماسك ده مرتين في الأسبوع وهتلاقي وجهك بقى حاجة تانية خالص.




المشكلة الرابعة
خشونة جلد اليدين وتشققه


دي مشكلة بتعاني منها بنات كتير جداا طووول الشتاء كل ما تيجي تسلمي على واحدة تلاقي إيديها خشنة قوووي.

والحل هو الماسك ده..


ماسك عصير الليمون




كل اللي عليك إنك تعصري نصف ليمونة على باطن إيدك وبعد كده تاخدي العصير ده وتدعكي بيه إيدك وبعد مرور 10 دقائق تشطفي إيديك بالماء الفاترة، وكرري العملية دي كل يوم وبعد مرور أسبوع هتلاقي بشرة إيدك رجعت لها النعومة وبقت أنعم من الحرير.


المشكلة الخامسة
خشونة كعب القدمين وتشققه


دي مشكلة كمان ممكن تقابلك وده لأن جلد كعب القدمين ضعيف جدا وبيتأثر بالبرودة قوووي.

والحل بسيط جدًا وهو..



حمام المياه والفازلين



ضعي رجليكِ في مياه تكون فاترة لمدة عشر دقائق وبعد كده ادعكي رجليكِ بالحجر بعد ما تتأكدي من إزالة كل الجلد الميت نشفي رجلكِ كويس وضعي طبقة سميكة من الفازلين على كعوب رجلك وبعد كده البسي كيس بلاستيك في رجلكِ وعليه شراب واتركيه لمدة نص ساعة أو نامي به وقومي الصبح وبتشوفي الفرق بنفسك.





المشكلة السادسة تشقق الشافايف




فيه كمان مشكلة ممكن تقابك في الشتاء وهي مشكلة تشقق الشفايف وده لأن زي ما أنت عارفة جلد الشفايف جلد رقيق جدا وبيتأثر بأي حاجة بسرعة علشان كده بتلاقيه هو أول حاجة بتتأثر بانخفاض درجات الحرارة.

والحل
شوفي يا قمر قدامك أكتر من حل وأنتى اختاري المناسب لكى:
1- أول حاجة احرصي طول الشتاء على استخدام .دة كاكاو لأنها بتقي الشفايف من الجفاف وبترطب الشفايف.
2- تحطي طبقة من "الفازلين" على الشفايف بعد غسلها وتنشيفها.
3- ادعكِ شفايفك كل يوم بالليل بالطحينة وعلى فكرة الطحينة مش بس هتعالج التشققات دي هتعالج كمان أي التهابات موجودة.
4- ادعكِ شفايفك بعسل النحل كل يوم الصبح.




المشكله السابعه تشقق جلد الكوعين






من ضمن المشاكل اللي ممكن تتعرضي ليها في الشتاء مشكلة تشقق جلد الكوعين


ودي حلها ماسك زيت القرفة





المكونات:
3 نقط زيت قرفة (من عند العطار)
8 معالق كبيرة زيت مشمش (من عند العطار)

الطريقة:
ضعي المكونات السابقة مع بعضها في زجاجة واقفليها كويس ورجي الزجاجة كويس علشان المقادير تتخلط مع بعضها، وبعد كذا ادهني الأماكن المصابة بالجفاف والتشقق وبعد مرور نص ساعة اغسليها بالماء الفاتر وكرري الماسك ده مرة كل أسبوع.

تحياتي
منقول للأمانه k